Н.Назарбаев: Қазақстанның болашағы – қазақ тілінде

Елбасы бүгін Жолдауда 2025 жылға қарай қазақ тілінің өмірдің барлық саласында үстемдік етіп, кез келген ортада күнделікті қатынас тіліне айналатындығын айтты.
«Біз ұрпақтарымызға бабаларымыздың сандаған буынының тәжірибесінен өтіп, біздің де үйлесімді үлесімізбен толыға түсетін қазіргі тілді мұраға қалдыруға тиіспіз. Бұл – өзін қадірлейтін әрбір адам дербес шешуге тиіс міндет. Мемлекет өз тарапынан мемлекеттік тілдің позициясын нығайту үшін көп жұмыс атқарып келеді. Қазақ тілін кеңінен қолдану жөніндегі кешенді шараларды жүзеге асыруды жалғастыру керек. Қазақ тілін дамыту саясаты одан жерінуге, тіпті қазақтардың өздерінің бойды аулағырақ ұстауына ықпал етпеуі керек. Керісінше, тіл Қазақстан халқын біріктіруші болуға тиіс. Бұл үшін тіл саясатын сауатты және дәйекті, қазақстандықтар сөйлесетін бірде-бір тілге қысым жасамай жүргізу керек. Сіздер біздің саясатымыз туралы – 2025 жылға қарай қазақстандықтардың 95 пайызы қазақ тілін білуге тиіс екендігін білесіздер. Бұл үшін қазір барлық жағдай жасалған. Қазірдің өзінде еліміздегі оқушылардың 60 пайыздан астамы мемлекеттік тілде оқиды. Мемлекеттік тіл барлық мектептерде оқытылады. Бұл – егер бала биыл мектепке барса, енді он-он екі жылдан соң жаппай қазақша білетін қазақстандықтардың жаңа ұрпағы қалыптасады деген сөз»,- деп атап өтті Елбасы.

Leave a Reply

Your email address will not be published. Required fields are marked *

Warning: PHP Startup: Unable to load dynamic library '/opt/alt/php54/usr/lib64/php/modules/apc.so' - /opt/alt/php54/usr/lib64/php/modules/apc.so: cannot open shared object file: No such file or directory in Unknown on line 0 Warning: Module 'PDO' already loaded in Unknown on line 0